2023年5-8月活動回顧

活動：自立學堂2023
日期：2023年7及8月
內容：小朋友初次嘗試離開家長，喺中心紮營、自理，好好玩之餘，
仲發現原來屋企人要諗一日三餐煮咩餸、咩配搭都唔容易呀！

活動：家常便飯是個好東西
日期：2023年7月
內容：可以同大家一齊煮家常菜真係好極！原來大家都唔係地獄廚神，
下次同大家挑戰試煮唔同國家嘅特色菜 : )

活動：參觀益力多廠
日期：2023年7月
內容：參觀益力多大埔工場，包括講解、影片欣賞、
參觀生產線。學習了解日常生活品背後的運作。

活動：泥灘尋找招潮蟹之旅
日期：2023年8月
內容：到東涌河河口的紅樹林和泥灘，透過戶外考察，認識不同小蟹、
招潮蟹、彈塗魚等等生物的習性，提高小朋友的觀察力、專注力、
保育海洋的觸覺，學習海洋與自身的關係及學會欣賞保育大自然。

活動：520曲奇派對義工活動
日期：2023年5月20日
內容：食住520(我愛你)嘅意思，青年同小朋友化身成為義工，
無分年齡同界別研究及製作曲奇餅，然後share俾身邊嘅人。

活動：不是BB好煮意
日期：2023年8月
內容：原來煮野食都可以認識自己？無錯，真係會發現自己嘅獨當一面！
是次小組主要為升初中嘅學生透過煮野食嘅不同挑戰加強自信心，
最後大家完成咗4次嘅挑戰，可以話係入得廚房，亦都出得廳堂㗎！

活動：籃球「夥」參與「青年好動」三人籃球賽
日期：2023年7月
內容：一班籃球小將訓練多時，參與「青年好動」三人籃球賽，藉比賽了解自己進步空間！

活動：嫻靜品茶
日期：2023年7月11日
內容：喺繁忙嘅生活去尋找寧靜嘅時間也許已成奢侈的事了，
是次活動請咗日本品荼老師去教一班青年人品茶嘅技巧，喺短短幾個鐘頭focus and enjoy our tea!

活動：橫青去camp夜唔夜
日期：2023年8月
內容：闊別3年嘅橫青Camp終於返埋嚟🍉見大家玩City Hunt、D-Game、
Dem beat、Disco night都畀到盡，一班青年籌委睇得開心之餘，
真心覺得捱咁多晚夜搞Camp都值得！🔥🔥🔥🔥🔥

活動：第一屆橫頭磡魔力橋大賽
日期：2023年8月
內容：次活動吸引咗一班魔力橋愛好者，以意志力完成咗4次嘅切搓，
將魔力橋精神發揚光大，首次出現咗橫頭磡嘅魔力橋大神們！

活動：海猿 – 歷奇+巨型直立板
日期：2023年8月
內容：襯暑假一同出海！分別體驗巨型直立板及不同歷奇活動，如流水柱、
嗌名撥水等活動挑戰自我，與人合作，培育團體精神，同時亦能於暑假欣賞赤柱美好風景。

活動：木匠青年
日期：2023年7月15日
內容：親手整木具你又試過味? 幾個年青人一齊用雙手製作木凳，
最後成功整到屬於自己嘅木具係可貴，呢個tasting過程絕對有血有汗呀！

活動：香港「識」「惜」遊-坪洲篇
日期：2023年8月
內容：透過探索坪洲離島，認「識」香港文化，珍「惜」香港獨有的集體回憶。
活動將帶領參加者到香港坪洲，遊覽島上的老店舖，認識香港三級歷史建築物，
前往大利島看海及進行島上探索任務，讓參加者學習團體精神。

活動：鄰舍第一里想社區「繼承者們」共學平台成果展現
日期：2023年8月
內容：是次活動感謝陳張敏聰夫人慈善基金贊助，令到一班青年人與長者可以一齊學嘢交流。
所以，喺中心嘅暑期閉幕禮中，一班青年義工將自己及長者一齊製作嘅日本注連繩花藝展示給公眾人士，
宣揚共學平台嘅理念，原來唔一定係長者教年青人，又或者係年青人教長者，其實係可以一齊去學習一個新嘅技能㗎。